Tuesday, August 26, 2008

જોવા જેવી ફિલ્મઃ સ્વોર્ડફિશ

કોઇ કાદરખાનને સારા એવા પ્રમાણમાં યુવાન અને હેન્ડસમ કરી નાખે, તો એ કેવો દેખાય? કદાચ થોડો ઘણો જોન ટ્રવોલ્ટા જેવો. કોઇ કહેેશે, ‘તમે તો યાર, ટ્રવોલ્ટાનો કચરો કર્યો.’ એવું લાગે તો એવું. જોન ટ્રવોલ્ટાને જોઊં ત્યારે મને લાગતું હતું કે ‘ભાઇને ક્યાંક જોયેલો છે.’

આ તો બે ઘડી મસ્તી. ‘સ્વોર્ડફિશ’ કે ‘ફેસ ઓફ’ જેવી ફિલ્મોમાં ટ્રવોલ્ટાની ઠંડી ક્રૂરતા કમાલની છે. ‘સ્વોર્ડફિશ’માં ટ્રવોલ્ટા ટોચનો સાયબર ક્રિમિનલ છે. સાથે હેલ બેરી અને હ્યુ જેકમેન છે. હેલ બેરીના ભાગે વઘુ એક વાર ‘આઇ કેન્ડી’ની ભૂમિકા આવી છે. હેલ બેરી ગમે(ગમ્મે) તેવી ભૂમિકામાં ગમે એવી હોય છે એ જુદી વાત છે.ફ્લેશબેક જેવી જૂની ને જાણીતી ટેકનિકથી શરૂ થતી હોવા છતાં, ફિલ્મની પકડ જોરદાર છે. વચ્ચે નાની કે મોટી રીસેસ પાડવી હોય તો ફિલ્મ ચાલુ રાખીને નહીં, પણ પોઝ કરીને જ પાડવી પડે. ત્રાસવાદનો મુકાબલો ત્રાસવાદથી કરવામાં આવે ત્યારે બન્ને પ્રકારના ત્રાસવાદીઓમાં કશો ફરક રહેતો નથી. એવો ફિલ્મનો સૂર કાઢવો હોય તો કાઢી શકાય. બાકી, કોઇ સંદેશા વગર પણ ફિલ્મ ભારે મસાલેદાર અને મનોરંજક થ્રીલર છે.

‘આપણા પરેશ રાવલ કે પંકજ કપૂર પ્રકારના કોઇ હીરાને લઇને આ પ્રકારની કોઇ ફિલમ બને તો કેવો જલસો પડે!’ એવો સહજ વિચાર આવે છે. પછી થાય છે, ‘જોન ટ્રવોલ્ટા પણ કયો મંગળ પરથી આવેલો છે! એ આપણો જ છે ને!’

3 comments:

  1. ‘જોન ટ્રવોલ્ટા પણ કયો મંગળ પરથી આવેલો છે! એ આપણો જ છે ને!’
    હા હા હા... ઓલિમ્પિક્સમાં પણ એવું જ હું રાખુ છુ,
    ઇન્ડિયા જીતે ગોલ્ડ મેડલ તો આપણે ભારતીય,
    ને બીજો કોઇ દેશ જીતે તો, 'વસુધૈવ કુટુંબકમ'.

    ReplyDelete
  2. Dear Urvishbhai,

    Your blog is really unique.It comprises Gujarati and World in real sense. Actually, your thinking and writing style is different and thought provoking. That is why i feel that one must visit your blog regularly. In Gujarat, there are very few people who think differently and express bravely like you. I must say that this blog is a very useful and effective platform for the people's education. Congratulation and All The Best. Keep provoking and sensitising.
    Sanjay Dave

    ReplyDelete
  3. This movie is atleast 8 to 9 years old! Rahi Rahi ne lakhvanu suzhu! :)

    Roshan
    Ahmedabad

    ReplyDelete