Friday, September 12, 2008

પાઠ્યપુસ્તકો સાથે પરીક્ષા: વિરોધાભાસી સંદેશ

ગુજરાતમાં પાઠ્યપુસ્તકો સાથે પરીક્ષા આપવા દેવાના માઘ્યમિક શિક્ષણ બોર્ડના નિર્ણયની જાહેરાત અને તરત તેનો વીંટો વળાઇ જવાનું નાટક બે દિવસમાં આટોપાઇ ગયું. એ નિર્ણયના પક્ષ-વિપક્ષમાં અખબારોમાં ઘણું લખાયું. બન્ને પક્ષોએ પોતપોતાની સમજણ પ્રમાણે દલીલો કરી, પરંતુ સૌથી વિશિષ્ટ કવરેજ ૧૧ સપ્ટેમ્બરના ‘સંદેશ’માં જોવા મળ્યું.

એ દિવસના ‘સંદેશ’ ના બીજા પાને ‘ચીની કમ’ કોલમનું મથાળું જ હતું: ‘ચોપડીમાંથી ચોરી કરો અને ઠોઠ નિશાળીયા જ પેદા કરો’.
પાઠ્યપુસ્તકો સાથે પરીક્ષાનો આક્રમક વિરોધ કરતા આ લેખના કેટલાક અંશઃ ‘ ગુજરાત રાજ્યના શિક્ષણખાતાએ ફરી એક વાર છબરડો વાળી દીધો, પરંતુ મુખ્ય મંત્રી નરેન્દ્ર મોદીએ તેની પર સમયસર બ્રેક મારીને ગુજરાતના શિક્ષણખાતાને મોટી હોનારતમાંથી બચાવી લીઘું છે...એ વાત સાચી છે કે બોર્ડની પરીક્ષા વિદ્યાર્થીઓને ભયભીત કરી દે છે...પરંતુ એનો અર્થ એ નથી કે પહેલાં વિદ્યાર્થી કાપલીઓને લઇ કોપી કરતો હતો તેને હવે કાયદેસરનું સ્વરૂપ આપી સીધી પાઠ્યપુસ્તકોમાંથી કોપી કરવા દેવી...પાઠ્યપુસ્તકો સાથે પરીક્ષા આપવાની ટેવથી પાંગળો થઇ ગયેલો ગુજરાતનો વિદ્યાર્થી ક્યાંયનો નહીં રહે. ઠોઠ નેતાઓ અને ઠોઠ અધિકારીઓ મળીને ગુજરાતના વિદ્યાર્થીને પણ ઠોઠ નિશાળીયા જ રાખવાનો નિર્ણય કર્યો હતો. ’

એ જ દિવસના સંદેશમાં છઠ્ઠા પાને, તંત્રી લેખમાં પૂરી ગંભીરતા સાથે શિક્ષણખાતાના નિર્ણયની તરફેણ કરવામાં આવી હતી. તેની ઝલકઃ‘નવી પદ્ધતિના કારણે સ્થાપિત હિતો કાગારોળ મચાવશે..પરંતુ અંતે એક નવી આશા બંધાશે...આ રીતે શિક્ષણનું સ્તર નીચું નહીં, પણ ઉંચું જશે. વિદ્યાર્થીઓનું સાચું મૂલ્યાંકન થઇ શકશે.,,વગર વિચાર્યે કોઇ કારણ વગર આવી પદ્ધતિને નકારવી જોિએ નહીં. આ સમગ્ર વ્યવસ્થામાં વિદ્યાર્થીને નુકસાન કરતાં ફાયદા વઘુ થશે.’

જાણેઅજાણે કે સદંતર નિર્દોષતાપૂર્વક સ્થાન આપી બેસતા ગુજરાતી પત્રકારત્વજગતમાં આપનું સ્વાગત છે...

4 comments:

  1. that contrast from edit page to column is very interesting. one wonders though what does it mean.. does one take the edit seriously.. or is it that the columnist prevails over the edit page ?? Of course this is apart from the controversy per se....

    ReplyDelete
  2. that contrast from edit page to column is very interesting. one wonders though what does it mean.. does one take the edit seriously.. or is it that the columnist prevails over the edit page ?? Of course this is apart from the controversy per se....

    ReplyDelete
  3. આ તો થઇ તમે કરેલા વિરોધાભાસ ના અવલોકનની વાત.

    આ પધ્ધતિ અંગે તમે શું વિચારો છો એ અંગેનો લેખ પોસ્ટ કરશો. વાંચવાનુ ગમશે.

    ReplyDelete
  4. Anonymous6:33:00 AM

    Hi Urvish,

    This is absolutely ridiculous fear from you and sandesh.Here in Canada many colleges and school allows us to use books but anyhow it is more difficult exam than anyother exam.So why not give a chance to system to prove it's worthiness?? It won't fail!!

    Ketan Upadhyay,Toronto ,canada

    ReplyDelete