Thursday, September 04, 2008

ગુજરાતી કાર્ટૂનનું ઠેકાણું

ગુજરાતીમાં કાર્ટૂનની ‘પંચી’ લાઇન લખનારા ‘જામી’ જેવા ઘુરંધરો છે, પણ મઝાનાં કેરિકેચર બહુ જોવા મળતા નથી. કોઇ કાળે શિવ પંડ્યા અને ‘ચકોર’કાકાની એ મઝા હતી. ચકોરકાકા કેટલાંક અંગોપાંગો પર જરા વિશેષ ઘ્યાન આપતા (એમની જયલલિતા યાદ આવે છે?) પણ એમનાં જૂનાં કાર્ટૂનમાં કેરિકેચરિંગની મઝા હતી. એટલે ગુજરાતી જણનાં સારાં કેરિકેચર જોઇને વિશેષ મઝા આવે છે. એમાં પણ એ બનાવનાર મિત્ર હોય પછી પૂછવું જ શું?

મુંબઇના કાર્ટૂનિસ્ટ-કમ-રેડિયોલોજિસ્ટ ડો.હેમંત મોરપરિયા જન્મે ગુજરાતી છે, મુંબઇમાં તેમના ક્લિનિક પર ગુજરાતીમાં ગપ્પાં માર્યાં છે. પણ એ ગુજરાતી વાંચી શકતા નથી. પંદર-વીસ વર્ષથી પરિચયમાં રહેલા હેમંત મોરપરિયાની સરખામણીમાં અશોક અદેપાલ સાથેનો પરિચય પ્રમાણમાં તાજો છે, પણ તાજા રંગની માફક ઉખડી જાય એવો નથી.

અશોક અત્યારે ‘દિવ્ય ભાસ્કર’ની રાજકોટ આવૃત્તિમાં કામ કરે છે. તેમણે www.ashokadepal.com નામની વેબસાઇટ તૈયાર કરી છે, જે ‘દિવ્ય ભાસ્કર’ અમદાવાદના નિવાસી તંત્રી અજય ઉમટ દ્વારા લોન્ચ થઇ અને મુખ્ય મંત્રીએ પોતાનો શુભેચ્છાસંદેશ પણ આપ્યો. અશોકની સેન્સ ઓફ હ્યુમર પહેલેથી સારી.

અશોકની વેબસાઇટ પરથી તેમની પીંછી (કે માઉસ)ની કમાલ તરીકે અજયભાઇ ઉમટનું તેમણે બનાવેલું કેરિકેચર અહીં મુક્યું છે. અજયભાઇને મળી ચુકેલા સૌ કોઇ અશોક પર ફીદા થયા વિના રહેશે નહીં અને મળવાનું બાકી હશે એવા લોકો મળ્યા પછી અશોક પર ફીદા થશે.
અશોક, તુમ આગે બઢો- પણ રાજનેતાઓના આશીર્વાદની ખેવના રાખ્યા વિના.

3 comments:

  1. Saeed Patel,London.1:34:00 AM

    Fantastic,very good service & marvalous art he has.What a art he has!!!Thanks for it.Very appreciate.

    ReplyDelete
  2. I was about to comment that Ashok might feel elivated by NaMo's subheccha-sandesh, but why Urvish needs to mention it as if to support his claim that Ashok is great cartoonist! But last comment served the purpose. People are judged by the company they keep and people they admire. Ashok seems to be good cartoonist but he is now associated in my mind by images of Ajay Umat and NaMo. Urvish's endorsement is the only saving grace for him.
    - Kiran Trivedi

    ReplyDelete
  3. Hello AshoKbhai

    Just read your article in this week chitralekha, after taht came to know bout you. I really enjoyed your cartoon comments. You have a fantastic art. I do appreciate.

    Pratiksha

    ReplyDelete