Showing posts with label dakor. Show all posts
Showing posts with label dakor. Show all posts
Thursday, February 10, 2011
ડાકોરદર્શન - 2
ડાકોરના ડેપ્યુટી રણછોડરાય સિવાય બીજું કોણ હશે? કોઇ આઇડીયા?
ધર્મસ્થાનોમાં બધી જગ્યાઓ 'મુંડન'ની નથી લાગતી?
'જુમ્મા મસ્જિદ, ડાકોર' કેવું લાગે છે? 'રણછોડજી મંદિર, મક્કા' જેવું
રેલિંગ ઉપર વરિયાળી 'ઉગે' એનું નામ વસંત ઋતુ
મોટી માછલી નાની માછલીને ખાય ને નાની માછલી?...લોટની આ ગોળીઓને?
બનાવતાં-વેચતાં આવડે તો કઇ ચીજ એવી છે, જેમાં 'વેલ્યુ એડિશન' કરી ન શકાય?
Sunday, February 06, 2011
ડાકોરમાં નહીં, ડાકોરનું દર્શન-1
'શું માંડ્યું છે ભાઇ? ગયા શનિવારે રેશનાલિસ્ટોની બેઠકમાં પ્રવચન ને આ રવિવારે ડાકોર?' એક મિત્રે મજાકમાં ઠપકો આપ્યો.
મારો જવાબ હતોઃ 'રેશનાલિસ્ટોની બેઠકમાં મેં એમ કહ્યું કે હું રેશનાલિસ્ટ નથી...અને ડાકોરમાં હુ આસ્તિક નથી.
વર્ષના વચલા દિવસે થોડા કલાક માટે ક્યારેક ડાકોર જવાનું થાય, ત્યારે એ 'ગોટાનગર' મારું સાસરું હોવા છતાં હું ત્યાં પ્રવાસી તરીકે જ જાઉં છું. એક મહાલોકપ્રિય ગુજરાતી યાત્રાધામના રંગઢંગ એ રીતે જોવાની મને મઝા આવે છે. એમાંથી થોડી સામગ્રી અહીં મૂકી છે. થોડી વધુ તસવીરો ભાગ-2માં.
ગોટાવાળા (ફરસાણવાળા યાર, ગોટાળાવાળા નહીં) મગનલાલ વલ્લભદાસનું ઓછું જાણીતું સર્જનઃ રણછોડરાય મંદિરના મુખ્ય પ્રવેશદ્વારની સામે આવેલી અને ભક્તજનોની નજરથી મોટે ભાગે ઓઝલ રહેલી, મેઘાણીની પંક્તિથી સજ્જ એવી શહીદોની ખાંભી. મંદિરોની જોડે કાશ થોડો આનો પણ મહિમા થતો હોત.
નોટ સો ફાઇન પ્રિન્ટ. પાટિયું કહે છે કે ન્યાતજાતના ભેદભાવ વગર દરેકને આવવાની છૂટ છે.
ગૌશાળાઓ એની જગ્યાએ અને ગાયો એમની જગ્યાએ- એટલે કે રસ્તા પર.
માગ...માગ...માગે તે ભગવાન આપું
માળાઃ પહેરો, વીંટો, લપેટો, ફેરવો...પાંચ-પાંચ રૂપિયા
રામરોટી અને હરામરોટી વચ્ચે શો ફરક? એવો સવાલ ઘણા 'સાધુઓ'ને જોઇને થાય.
Friday, November 19, 2010
વ્યાપાર અને ભક્તિ
ગ્રાહકમાં ઇશ્વરનાં દર્શન કરવામાં આવે તો વ્યાપાર એ પણ ભક્તિ છે.....
અને ભક્તમાં ગ્રાહકનાં દર્શન કરવામાં આવે તો ભક્તિ એ પણ વ્યાપાર છે.
Monday, October 26, 2009
આંખે ડાબલા ઉર્ફે Blinkered vision
અંગ્રેજીમાં બ્લીન્કર્સ અને ગુજરાતીમાં ડાબલા તરીકે ઓળખાતી ચીજ હવે મોટે ભાગે બોલચાલમાં અને લખવામાં જ રહી ગઇ છે. એટલે ડાબલા ખરેખર કેવા હોય અને ડાબલા પહેરવાથી દૃષ્ટિ શબ્દાર્થમાં કેવી રીતે મર્યાદિત થઇ જાય, તેનો કદાચ ઘણાને ખ્યાલ ન હોય અથવા એ જોયાને બહુ વખત થઇ ગયો હોય એવું બને. હમણાં ડાકોર જવાનું થયું, ત્યારે ઘણા વખતે ડાબલા જોયા. ડાકોરમાં બસ સ્ટેશન પાસે હજુ એક ઘોડાગાડી ચાલે છે. તેના ડાબલાધારી ઘોડાની આ તસવીરો
Wednesday, August 13, 2008
ગૌવંદે માતરમ્
ગુજરાતમાં અને ભારતમાં ગાયો સંવેદનશીલ મુદ્દો છે. હા, ગાયો ફક્ત મુદ્દો જ છે. એક પ્રાણી તરીકે ગાયની કોઇને પરવા નથી. બીજાં પ્રાણીઓ કરતાં ગાયનું અલગ સ્ટેટસ હોવું જોઇએ કે નહીં, એ ધાર્મિક માન્યતાનો વિષય છે. પણ રસ્તા પર સદા રખડતી અને ભાગ્યે જ હૃષ્ટપુષ્ટ જોવા મળતી ગાયોને ‘માતા’ કહીને, તેમના રક્ષણ માટે માણસોને મારી નાખવા એ અનુસ્નાતક કક્ષાનો દંભ છે.ગાયો સાથે રાજકીય મુદ્દાની જેમ મુદ્દામાલ પણ સંકળાયેલો છે. ગાય માતા હોય કે ન હોય, પણ ‘ગૌશાળા માટે ફાળો’ અનેક કૌભાંડોનો પિતા છે.
આ બધી આડવાતોને આ તસવીર સાથે લેવાદેવા નથી. પણ તસવીરમાં રસ પડે એવી ચીજ છે, ગૌભક્તિનું નવતર સૂત્રઃ ગૌવંદે માતરમ્.
એક વાર મઘુ રાયે લખ્યું હતુ: ‘ઉપકુલપતિ’ કહેવાય કે ‘કુલઉપપતિ’? ‘ઉપ’ શબ્દ કોને લાગુ પડે છે? ‘કુલ’ને કે ‘પતિ’ને?
કંઇક એવી જ સ્થિતિ ‘ગૌવંદે માતરમ્’ની છે. ગાયમાતાને વંદન કરવાં હોય તો ‘ગૌવંદે માતરમ્’ કહેવાય કે ‘વંદે ગૌમાતરમ્’ ? બીજું સાચું છે, પણ પહેલું ‘પંચી’ છે અને પંચ (punch) ત્યાં પરમેશ્વર. ઇતિ સિદ્ધમ્.
Thursday, August 07, 2008
Gandhi Horror show
No. This is not Gandhi's reaction to what transpired in Indian parliament during vote of confidence. The statue seen here was installed at Dakor (my 'town-in-law')- a temple town famous for 'Ranchhodray temple' and delicious 'Gota'.
This is the worst bust of Gandhi I've ever seen. Generally it's Dr. Ambedkar, who is disfigured quite often by his followers overzeal and search for identity. Gandhi-statue is more a 'sarkari' affair. No dirth of money for his statue.
What happened to this statue at Dakor is not knwon, but there is a statue of 'Bhakta Bodana' few meters away, with similar pattern and eyes in particular. May be, in order to make Gandhi's eye 'God-like' or devine, this happened to him.
At last, eyes of Father of the nation are no longer Wide Shut. They are Wide Open scarringly.
Wednesday, July 02, 2008
મોબાઇલ(નો) ‘કેર’
ડાકોરના રણછોડજી મંદિરની બરાબર બહાર આવેલી ‘મોબાઇલ કેર’ની લારી.તેની જાહેરખબર કંઇક આ રીતે થઇ શકેઃ ‘તમારી કેર ભલે રણછોડરાયને સોંપી હોય, પણ તમારા મોબાઇલની કેર લેવા માટે અહીં પધારો. એમાં રણછોડરાયનું કામ નહીં.’
Subscribe to:
Posts (Atom)
