’સાર્થક જલસો’ હવે ઇ-સ્વરૂપે

પહેલા જ અંકથી નક્કર વાચનસામગ્રી દ્વારા તાજી હવા પ્રસરાવનાર ’સાર્થક જલસો’ સામયિકનો પહેલો અંક હવે ઇન્ટરનેટ પરથી ડાઉનલોડ કરી શકાય એ સ્વરૂપે આવી ગયો છે.  દેશવિદેશમાં રહેતા નક્કર વાચનના પ્રેમીઓ ૦.૯૯ સેન્ટ (આશરે રૂ.૬૧)ની કિંમતે ’જલસો’ની કોપી ડાઉનલોડ કરી શકશે. તે કમ્પ્યુટર ઉપરાંત આઇપેડ, કિન્ડલ, ટેબ્લેટ જેવાં તમામ સાધનો પર ડાઉનલોડ કરી શકાશે. એ માટેની લિન્ક 

http://www.magzter.com/IN/saarthak-prakashan/Saarthak-Jalso/Culture/

વાચનનો ’જલસો’ માણવા ઇચ્છતા મિત્રોએ પહેલી વાર www.magzter.com પર ફ્રી રજિસ્ટ્રેશન કરવાનું રહેશે. ઉપર આપેલી લિન્ક પર નમૂના લેખે ’સાર્થક જલસો’ના અનુક્રમનાં બે પાનાં અને બે લેખની ઝલક જોવા મળી શકે છે. ’સાર્થક જલસો’નો મુખ્ય ભાર લેખકોને બદલે લેખો પર છે. ઓછાં જાણીતાં-અજાણ્યાં નામ પ્રત્યે છોછ અને જાણીતાં-પ્રસિદ્ધ નામ પ્રત્યે અહોભાવ રાખ્યા વિના, ’જલસો’માં કેવળ ઉત્તમ વાચનસામગ્રી આપવાનો ખ્યાલ છે. ’સાર્થક જલસો’ના પહેલા અંકને મળેલા ’સોલ્ડ આઉટ’ પ્રતિભાવ પછી અમારી દિશા સાચી હોવાની ઉત્સાહજનક પ્રતીતિ અમને થઇ છે. 

’જલસો’ના છપાયેલા સ્વરૂપને અને નક્કર-નવીનતાભરી-વૈવિધ્યપૂર્ણ વાચનસામગ્રી આપવાના અમારા પહેલા જ પ્રયાસને ઉમળકાથી વધાવનારા સૌ વાચકમિત્રોનો હૃદયપૂર્વક આભાર અને જેમને ’જલસો’ ગમ્યો હોય તેમને ’જલસો’ની ઇ-કોપીની લિન્ક તેમનાં દેશપરદેશ વસતાં સગાંસ્નેહી વાચનપ્રેમીઓ સાથે ’શેર’ કરવા ખાસ વિનંતી.

http://www.magzter.com/IN/saarthak-prakashan/Saarthak-Jalso/Culture/